लता दळवी
चायनीज पदार्थ घरच्याघरी केल्यास घरी खाल्ल्याचे समाधानही मिळेल आणि पैसेही वाचविता येतील; परंतु त्या पदार्थांची चव आणि वैशिष्टय राखणे जमले पाहिजे म्हणूनच हे अगदी निवडक चायनीज पदार्थांचे खास पुस्तक…यात आहेत
० स्टार्टर्स ० ड्राय डिशेस ० मेन डिशेस ० सूप्स ० राइस ० नूडल्स आणि ० व्हेजिटेरिअन पदार्थांच्या पाककृती
वैजयंती केळकर
या पुस्तकात विविध प्रकारच्या गोड पदार्थांची रेलचेल आहे. उकडीच्या मोदकापासून ट्रायफल पुडिंगपर्यंत, गुलाबजामपासून बंगाली रसगुल्ल्यापर्यंत, बर्फीपासून पुरणपोळीपर्यंत आणि जिलेबीपासून बुंदीच्या लाडवापर्यंत विविध पद्धतीच्या गोड पदार्थांच्या पाककृती यात दिल्या आहेत.
या पुस्तकाचे मुख्य. वैशिष्टय म्हणजे पेढे, बर्फी व हालवे यांच्या विश्‍वसनीय पाककृती! आपण हे पदार्थ घरच्याघरी अगदी सफाईने करू शकाल.
प्रमिला पटवर्धन
खास आजीच्या हातच्या चटपटीत व पौष्टिक, जुन्या-नव्या जमान्याच्या व जेवणाची रंगत वाढवणार्‍या १०६ कोशिंबिरी या पुस्तकात दिल्या आहेत. विविध भाज्यांच्या, कंद-मुळांच्या, फळांच्या कोशिंबिरी उपयुक्त टीप्ससह या पुस्तकात वाचायला मिळतील.
अनाद घोरपडे
सर्वच दृष्टीने धकाधकी, दगदग असलेल्या आजच्या जीवनात एखादा विनोद चांगलीच करमणूक करून जातो तसेच काल्पनिक विनोद तात्पुरता आनंद निश्‍चितच देऊन जातात, परंतु आचार्य अत्रे, राम गणेश गडकरी, पु.ल. देशपांडे, ना.सी. फडके, मामा वरेरकर, ग.दि. माडगूळकर, चि.वि. जोशी, पंडित नेहरू, रवींद्रनाथ टागोर, मार्क ट्वेन, बर्नाड शॉ, चर्चिल, क्रुश्‍चेव अशा महान प्रतिभावंतांनी प्रत्यक्ष लिखाणातून, भाषणातून, संभाषणातून, वादविवादातून निर्माण केलेले उत्स्फूर्त, समयसूचक, हजरजबाबी व मार्मिक असे हे विनोद करमणूक तर करतीलच, परंतु उच्च कोटीच्या आनंदाची प्रचिती देतील.
मनोहर चंपानेरकर
प्रत्येक दिवशी एकच सुविचार आत्मसात करा आणि त्या सुविचारानुसार आचरण करा. ही पुस्तिका आकाराने लहान असल्यामुळे प्रवासात, गाडीमध्ये सहजपणे वाचता येईल.
केशव फडणीस
आपल्या मित्र-मैत्रिणीत, पिकनिकला, प्रवासात तसेच वाढदिवस, सण-उत्सव या निमित्ताने एकत्र जमल्यावर तुम्ही छान-छान विनोद खास शैलीत सांगितले तर आनंदी वातावरणात हर्षोत्सवाची भर पडेल. म्हणूनच निखळ आनंद देणारे हे खुसखुशीत विनोदी चुटके खास तुमच्यासाठी!
