इम्प्रेसिव्ह इंग्लिश


व्यवसायाने इलेक्ट्रॉनिक इंजिनियर असलेल्या भालचंद्र गर्दे यांनी नागपूरहून बी.एस्सी. व बंगलोरच्या इंडियन इन्स्टिट्यूट ऑफ सायन्समधून एम.टेक. केलं. १९३९ साली त्यांनी ऑल इंडिया रेडिओ (आता आकाशवाणी) मध्ये नोकरी स्वीकारली. त्यातील तांत्रिक बाजूंच्या विविध जबाबदाऱ्या सांभाळत १९७४ मध्ये ते डेप्युटी चीफ इंजिनिअर म्हणून निवृत्त झाले. नोकरीच्या काळात त्यांच्या भारतभर बदल्या झाल्या. आकाशवाणीत नोकरी असल्यामुळे निरनिराळ्या राज्यांतील सुशिक्षित समाज, तेथील शैक्षणिक दर्जा यांची त्यांना जवळून ओळख झाली. काही काळ यु.पी.एस.सी.त संलग्न सभासद म्हणून व स्वतःच्या खात्याच्या अंतर्गत नेमणुका/प्रमोशन संबंधात त्यांनी ४००च्या वर उमेदवारांच्या मुलाखती घेतल्या. त्यात चांगली बुद्धिमत्ता, विषयातील ज्ञान यात सरस असूनही मराठी मुले मागे पडतात, याचं कारण इंग्रजीत संवाद साधण्यात अपयश हे त्यांना दिसून आलं. या मुलांना मार्गदर्शन मिळावं या हेतूने गर्दे यांनी आपल्या इंग्रजी भाषेच्या व्यासंगातून जमवलेलं अनुभवजन्य विचारधन ‘इमप्रेसिव्ह इंग्लिश’ (Impressive English) या पुस्तकाच्या रूपाने वाचकांपुढे ठेवलं आहे.

व्याकरणदृष्टया बरोबर असलेले इंग्रजी अनेकांना आत्मसात असते. परंतु सुयोग्य शब्दप्रयोग, इंग्रजीचे पैलू दाखविणारी वाक्यरचना, वाक्प्रचार इ. आपल्या लिहिण्या-बोलण्यात डोकावल्यास ते इंग्रजी, प्रभावी ठरणारे असेल. आवश्यकता असेल तेव्हा ‘प्रभावी इंग्रजी’चा सहजपणे वापर करण्याच्या दृष्टीने या पुस्तकाची सोपी रचना करण्यात आली आहे. पुस्तकाची उपयुक्तता

  • नोकरीसाठी इन्टरव्ह्यू देताना आपले वेगळेपण सिध्द होईल.
  • नोकरीत बढतीची महत्त्वाकांक्षा बाळगणार्‍यांसाठी.
  • व्यावसायिकांना प्रभावी संभाषण व पत्रव्यवहारासाठी.
  • परभाषिक समाजात वावरताना व स्वत:च्या व्यक्तिगत विकासासाठी
  • इंग्रजी बोलू-लिहू इच्छिणार्‍यांचा आत्मविश्वास वाढविण्यासाठी.
  • चांगले इंग्रजी अंगवळणी पडण्यासाठी शालेय विद्यार्थ्यांसाठी.
  • भाषेच्या महाविद्यालयीन विद्यार्थ्यांसाठी.
  • कोणत्याही भाषणात, संभाषणात व लेखनात सर्वांना उपयुक्त.

90.00 Add to cart

अभ्यास कौशल्य


डॉक्टर दिवाण यांनी मुंबई विद्यापीठातून मानसशास्त्र या विषयात एम.ए, एम.फिल केलं असून ph.d देखील केलं आहे. त्या रुपारेल महाविद्यालयात मानसशास्त्र विभागाच्या प्रमुख म्हणून कार्यरत आहेत. स्त्रियांचे सामाजिकीकरण, बदलत्या भूमिका आणि भावना, मानसिक स्वास्थ्य आणि विद्यार्थ्यांसाठी अभ्यास तंत्र हे त्यांचे विशेष अभ्यासाचे विषय आहेत. मानसशास्त्रज्ञ म्हणून रेडिओ, टीवीवरील विविध कार्यक्रमात तज्ज्ञ म्हणून सहभागी असतात. त्या मानसशास्त्र या विषयावर व्याख्यानं, गटचर्चा आणि कार्यशाळा यांचं आयोजन करतात. मुंबई विद्यापीठाचा २०१२ सालचा 'श्रीमंत सावित्रीबाई आदर्श शिक्षिका पुरस्कार' त्यांना प्राप्त झाला आहे. प्रकाशित साहित्य: 'बदलत्या मनोभूमिका' ( रोहन प्रकाशन , १ ९९ ७ ) (मराठी मानसशास्त्र परिषदेच्या पुस्तक स्पर्धेत पुरस्कार - नोव्हेंबर २०००) एक आरसा स्त्रियांसाठी ( स्त्री - मुक्ती संघटना प्रकाशन ,२०००) बी.ए.च्या विद्यार्थ्यांसाठी मानसशास्त्राविषयी पाठ्यपुस्तकं

अभ्यास आणि परीक्षा या विद्यार्थिजीवनातल्या अत्यंत महत्त्वाच्या गोष्टी. आजच्या वाढत्या स्पर्धेच्या युगात तर परिक्षेतल्या यशाला मोठे महत्त्व आले आहे, त्या दृष्टीने अभ्यासाची योग्य पध्दती समजावून घेणे आवश्यक ठरते. अभ्यास-कौशल्य म्हणजे काय? श्रवण, वाचन, स्मरणशक्ती, लेखन इत्यादी घटकांचा योग्य वापर कसा करावा? परीक्षातंत्र कसे विकसित करावे? त्यात पालकांची भूमिका काय असावी? या सर्व गोष्टींचे मानसशास्त्राच्या साक्षेपी प्राध्यापिका डॉ.नन्दिनी दिवाण यांनी या पुस्तकात सुलभ मार्गदर्शन केले आहे. तसेच या संदर्भात सर्वांगीण व्यक्तिमत्त्व-विकासाबद्दलही काही सूचना दिल्या आहेत. शाळा-कॉलेजातील विद्यार्थ्यांनाच नव्हे, तर शिकण्याची वा शिकवण्याची आवड असणार्‍या सर्वांनाच हे पुस्तक मोलाचे ठरावे.


100.00 Read more

शर्यत शिक्षणाची

मुलांच्या उज्ज्वल भवितव्यासाठी एक अभिनव विचार-द्दष्टी…



अनुवाद :


मुलांचं शिक्षण म्हणजे वेगाची शर्यत नसून तिचं साधर्म्य मॅरेथॉन शर्यतीशी नक्कीच आहे! पुस्तकाचे लेखक व्ही. रघुनाथन या पुस्तकाव्दारे पालकांना जीवनाकडे एका वेगळ्या दृष्टिकोनातून पहायला प्रवृत्त करतात. मुलांच्या सुरुवातीच्या काळापासूनच मुलांना वेगाच्या ‘शर्यतीत जुंपण्यापेक्षा’ त्यांना ‘लंबे रेस का घोडा’ होण्यास तयार करणे अधिक योग्य आहे. एखादी गोष्ट साध्य करणं मुलांना शक्य न झाल्यास पालक स्वत:च नाउमेद होतात. वास्तविक अशा वेळी खचून न जाता ती संधी मुलांचं व्यक्तिमत्त्व आणि कौशल्य विकसित करण्यासाठी वापरली तर ते त्यांच्या फायद्याचंच होईल. अकारण लादल्या गेलेल्या अभ्यासातून चढाओढीने एखाद्या ठिकाणी पोहचण्यापेक्षा तुमच्या आयुष्याचा एखाद्या वेगळ्या वाटेने झालेला प्रवास नक्कीच अधिक आनंददायक असेल. अशा प्रकारचा अनुभव घेऊन आयुष्य पुरेपूर जगणाऱ्या काही प्रसिध्द आणि सर्वसामान्य अशा दोन्ही प्रकारच्या व्यक्तींची उदाहरणंही पुस्तकात दिली आहेत. एन.आर.नारायणमूर्ती, डॉ.कलाम, अंजीरेड्डी, अश्विनी नचप्पा, ईला भट्ट यांचा या प्रसिध्द व्यक्तींमध्ये समावेश आहे. मग तुम्ही तुमच्या मुलाला आयुष्याच्या शर्यतीत वेगाने भरधाव पळायला लावणार की जीवनाचा आनंद घेत शर्यत पूर्ण करू देणार? एक विचार-दृष्टी देणारं पुस्तक…शर्यत शिक्षणाची…


160.00 Add to cart

मैत्री संस्कृतशी


तन्मय केळकर यांचा दिनांक ६ मार्च १९९१ रोजीचा जन्म असून त्यांनी सांगली येथील ‘वालचंद कॉलेज ऑफ इंजिनीअरिंग’ येथून बी.टेक-इलेक्ट्रोनिक्स ही पदवी प्राप्त केली आहे. व्यवसायाने ते २०१२पासून आय. टी. क्षेत्रात कार्यरत आहेत. मराठी, हिंदी, इंग्रजी, अस्खलित संस्कृत, पंजाबी, गुजराती, बंगाली, प्राथमिक स्तरावरील उर्दू, फारसी, दारी अश्या भाषांवर त्यांचे प्राविण्य आहे. तसंच ग्रीक, रशियन, कन्नड, गुजराती या लीपींवरही त्यांनी प्राविण्य मिळवलं आहे. विविध धर्म व संप्रदायांचा विशेषत: बौद्ध, इस्लामी, वैदिक तत्त्वज्ञान आणि शीख इतिहास यांचा तौलनिक अभ्यास करणं हा त्यांचा छंद आहे. आंतरराष्ट्रीय राजकारण, अर्थकारण इत्यादी विषयांत त्यांचं अवांतर वाचन असून याविषयावर ते प्रासंगिक लेखन करतात.

हे पुस्तक कोणासाठी?
हसत-खेळत ‘enjoy’ करत संस्कृत शिकू / शिकवू इच्छिणा‍र्‍या कोणासाठीही! त्यासाठी संस्कृतचा गंधही नसला, अगदी मराठी व्याकरणाचीसुद्धा फारशी ओळख नसली तरीही स्वागतच…!
पुस्तकाची वैशिष्ट्ये
* वाचकांशी सतत संवाद साधणारी साधी, सोपी खेळकर भाषा
* ‘संस्कृत · अवघड पाठांतर’ हा समज मोडीत काढण्याचा प्रयत्न
* रंजक किस्से, विनोद यांचा जागोजागी वापर
(एके ठिकाणी संस्कृतमध्ये ‘ I love you ’ कसं म्हणावं हेही दिलंय – त्याचा गैरवापर मात्र टाळावा.)
* नियमित म्हटल्या जाणार्‍या काही धार्मिक श्लोकांचे अर्थ
* दैनंदिन वापरातले कित्येक मराठी शब्द कसे तयार झाले त्याचा मनोरंजक उलगडा
* संस्कृतच्या आधारे मराठीत नवीन शब्द तयार करण्याची ‘रेसिपी’
* संस्कृतचा संगणकशास्त्राशी नेमका संबंध काय यावर प्रकाश


325.00 Add to cart

सल्ले लाख मोलाचे

५५ नामवंतांचे जीवन बदलून टाकणारे मौलिक सल्ले



आयुष्यात अनेक माणसं भेटत असतात आणि त्यांच्याकडून कळत-नकळत मोलाचे सल्ले मिळत असतात. बरेचदा आपलं त्याकडे दुर्लक्ष होतं, पण काही जण हे सल्ले किंवा उपदेश आवर्जून लक्षात ठेवून आचरणात आणतात, म्हणूनच ते यशस्वी आणि नामवंत होतात!
हे जाणूनच विज्ञान-तंत्रज्ञान, बँकिंग, अर्थ, मनोरंजन, जाहिरात, चित्रपट, वैद्यक, साहित्य आणि उद्योग-व्यवसाय यांसारख्या विविध क्षेत्रांत यशस्वी झालेल्या ५५ नामवंतांना उपयुक्त ठरलेल्या बहुमोल सल्ल्यांचं आणि उपदेशांचं हे संकलन…
नामवंतांना उपयुक्त ठरलेल्या बहुमोल सल्ल्यांचं आणि उपदेशांचं हे संकलन…
…नातेसंबंध सुधारण्यासाठी, व्यावसायिक कौशल्य वाढवण्यासाठी आणि कार्यक्षेत्र निवडण्यासाठी हे सल्ले तुमच्यासाठी लाखमोलाचे ठरतील.
यातलं एखादं पान तुम्हाला तुमच्या समस्येकडे पाहण्याचा वेगळा दृष्टिकोन देऊन मनोबलही वाढवेल… आणि पहा तुमचंही जीवन बदलून जाईल!


75.00 Add to cart

माझ्या विद्यार्थी मित्रांनो

स्व.यशवंतराव चव्हाण यांची दीक्षान्त समारंभातील भाषणे


महाराष्ट्राचे मुख्यमंत्री, केंद्रीय मंत्री तसेच स्वातंत्र्य चळवळीत सहभागी असलेले आदरणीय द्रष्टे व मुत्सद्दी नेते यशवंतराव चव्हाण यांनी महाराष्ट्राच्या सर्वांगीण विकासाची मूलभूत पायाभरणी केली. सामान्य कुटुंबातून आलेले चव्हाण हे जनसामान्यांचे पुढारी म्हणून ओळखले जातात. त्यांना स्वतःच्या बलस्थानांची आणि मर्यादांची पुरेपूर जाणीव असल्याने त्यांनी तत्त्वनिष्ठ व्यवहारवादाचे पालन केले. लोकशाहीच्या शक्तीवर त्यांचा अतूट विश्वास असल्यामुळे त्यांनी न्यायपूर्ण समाजाच्या बांधणीसाठी आवश्यक असलेल्या धोरणांबाबत पुढाकार घेऊन त्यांना पाठिंबा दिला. चव्हाण एक समतोल विचारवंत, सिद्धहस्त लेखक, प्रतिभावान वक्ते, चाणाक्ष मुत्सद्दी तसेच द्रष्टे प्रशासक होते व त्यांनी लोकहिताच्या अनेक धोरणांवर आपला ठसा उमटवला. अनलंकृत शैलीत त्यांनी केलेलं लेखन हे मनाला स्पर्श करून जातंच, शिवाय ते आपल्याला समाजकारण, राजकारण यांचं सखोल भानही देतं.

मुत्सद्दी राजकारणी, विचारवंत आणि एक रसिक व्यक्तिमत्त्व म्हणून चिरपरिचित असलेल्या यशवंतराव चव्हाण यांच्या हस्ते देशभरातील विविध विद्यापीठांचे दीक्षान्त समारंभ संपन्न झाले. तेथे केलेल्या शिक्षणाविषयीच्या चिंतनशील भाषणांचं संपादित पुस्तक म्हणजेच – `माझ्या विद्यार्थी-मित्रांनो…’
या पुस्तकातली सगळी भाषणं यशवंतरावांनी उच्च शिक्षण देणारया विद्यापीठांमध्ये दिलेली असली, तरीही त्यात ते प्राथमिक व माध्यमिक शिक्षणाचं महत्त्व ठळकपणे अधोरेखित करतात. शिक्षणाचा हेतू व्यक्तीचा विकास करणं एवढाच मर्यादित नसून त्यातून समाजाचाही विकास व्हायला हवा, ही त्यांची धारणा ते यात मांडतात. म्हणूनच समाजाच्या फार मोठ्या विभागाला शिक्षणाची गरज असल्याचं प्रतिपादन ते वेळोवेळी करतात, जे आजघडीलाही तितकंच लागू होतं.
शहरी व ग्रामीण शिक्षणातील तफावत, विकसित देशांसोबत जाण्यासाठी आवश्यक असणारे आधुनिक शिक्षण, उच्च शिक्षण घेतलेल्यांची समाजाप्रति असणारी जबाबदारी यांसारख्या अनेक महत्त्वाच्या विषयांची मांडणी यशवंतराव एखाद्या कसलेल्या शिक्षणतज्ज्ञाप्रमाणे करतात. विशेष म्हणजे ही मांडणी करताना स्नातक अर्थात नव-पदवीधरांविषयी म्हणजेच देशाच्या तरुण उच्चशिक्षित पिढीविषयी त्यांना वाटणारं प्रेम आणि आशावाद त्यांच्या शब्दाशब्दांतून व्यक्त होताना दिसतो.


195.00 Add to cart

माझ्या विद्यार्थी मित्रांनो (Hard Bound)

स्व.यशवंतराव चव्हाण यांची दीक्षान्त समारंभातील भाषणे


महाराष्ट्राचे मुख्यमंत्री, केंद्रीय मंत्री तसेच स्वातंत्र्य चळवळीत सहभागी असलेले आदरणीय द्रष्टे व मुत्सद्दी नेते यशवंतराव चव्हाण यांनी महाराष्ट्राच्या सर्वांगीण विकासाची मूलभूत पायाभरणी केली. सामान्य कुटुंबातून आलेले चव्हाण हे जनसामान्यांचे पुढारी म्हणून ओळखले जातात. त्यांना स्वतःच्या बलस्थानांची आणि मर्यादांची पुरेपूर जाणीव असल्याने त्यांनी तत्त्वनिष्ठ व्यवहारवादाचे पालन केले. लोकशाहीच्या शक्तीवर त्यांचा अतूट विश्वास असल्यामुळे त्यांनी न्यायपूर्ण समाजाच्या बांधणीसाठी आवश्यक असलेल्या धोरणांबाबत पुढाकार घेऊन त्यांना पाठिंबा दिला. चव्हाण एक समतोल विचारवंत, सिद्धहस्त लेखक, प्रतिभावान वक्ते, चाणाक्ष मुत्सद्दी तसेच द्रष्टे प्रशासक होते व त्यांनी लोकहिताच्या अनेक धोरणांवर आपला ठसा उमटवला. अनलंकृत शैलीत त्यांनी केलेलं लेखन हे मनाला स्पर्श करून जातंच, शिवाय ते आपल्याला समाजकारण, राजकारण यांचं सखोल भानही देतं.

मुत्सद्दी राजकारणी, विचारवंत आणि एक रसिक व्यक्तिमत्त्व म्हणून चिरपरिचित असलेल्या यशवंतराव चव्हाण यांच्या हस्ते देशभरातील विविध विद्यापीठांचे दीक्षान्त समारंभ संपन्न झाले. तेथे केलेल्या शिक्षणाविषयीच्या चिंतनशील भाषणांचं संपादित पुस्तक म्हणजेच – `माझ्या विद्यार्थी-मित्रांनो…’
या पुस्तकातली सगळी भाषणं यशवंतरावांनी उच्च शिक्षण देणारया विद्यापीठांमध्ये दिलेली असली, तरीही त्यात ते प्राथमिक व माध्यमिक शिक्षणाचं महत्त्व ठळकपणे अधोरेखित करतात. शिक्षणाचा हेतू व्यक्तीचा विकास करणं एवढाच मर्यादित नसून त्यातून समाजाचाही विकास व्हायला हवा, ही त्यांची धारणा ते यात मांडतात. म्हणूनच समाजाच्या फार मोठ्या विभागाला शिक्षणाची गरज असल्याचं प्रतिपादन ते वेळोवेळी करतात, जे आजघडीलाही तितकंच लागू होतं.
शहरी व ग्रामीण शिक्षणातील तफावत, विकसित देशांसोबत जाण्यासाठी आवश्यक असणारे आधुनिक शिक्षण, उच्च शिक्षण घेतलेल्यांची समाजाप्रति असणारी जबाबदारी यांसारख्या अनेक महत्त्वाच्या विषयांची मांडणी यशवंतराव एखाद्या कसलेल्या शिक्षणतज्ज्ञाप्रमाणे करतात. विशेष म्हणजे ही मांडणी करताना स्नातक अर्थात नव-पदवीधरांविषयी म्हणजेच देशाच्या तरुण उच्चशिक्षित पिढीविषयी त्यांना वाटणारं प्रेम आणि आशावाद त्यांच्या शब्दाशब्दांतून व्यक्त होताना दिसतो.


395.00 Add to cart

आकाश

राजू देशपांडे यांचा रोहन प्रकाशनशी चित्रकार म्हणून गेल्या अनेक वर्षांचा स्नेह आहे. मुखप्रुष्ठ व पुस्तकांसाठी चित्रे काढणे या व्यतिरिक्त स्वतंत्रपणे चित्रनिर्मिती ते करत असतात. ही चित्रनिर्मिती करताना अनेक वेगवेगळ्या माध्यमांचा प्रायोगिक पद्धतींनी वापर करायला त्यांना आवडतं. "आर्ट अपार्ट " या त्यांच्या संस्थेतर्फे मुलांसाठी अनेक परस्परसंवादी (interactive) पुस्तकांची आणि कार्ड्सची निर्मिती त्यांनी केली आहे. सध्या मुलांसाठी काही मल्टिमिडीया फिल्म्स करण्याचा आनंद ते घेत आहेत.

चित्रं आणि शब्द यांच्या माध्यमातून मुलांच्या कल्पनाशक्तीला खाद्य देणारं , वेगळा – ‘ आउट ऑफ द बॉक्स ‘ – विचार करायला लावणारं चित्र – पुस्तक . या पुस्तकामधून मुलांना रंजक पद्धतीने वेगवेगळे आकार , रंग यांची ओळख होईल . त्यांना चित्रवाचनाचीही गोडी लागेल . चित्रांमुळे मुलांची दृश्यभाषा , तर मजकुरामुळे त्यांची विचारदृष्टी विकसित व्हायला मदत होईल . मुलांसोबत मोठ्यांनीही वाचावीत , पाहावीत आणि यातल्या चित्रगोष्टींचा आनंद घ्यावा !


60.00 Add to cart

नवी सुरुवात

राजू देशपांडे यांचा रोहन प्रकाशनशी चित्रकार म्हणून गेल्या अनेक वर्षांचा स्नेह आहे. मुखप्रुष्ठ व पुस्तकांसाठी चित्रे काढणे या व्यतिरिक्त स्वतंत्रपणे चित्रनिर्मिती ते करत असतात. ही चित्रनिर्मिती करताना अनेक वेगवेगळ्या माध्यमांचा प्रायोगिक पद्धतींनी वापर करायला त्यांना आवडतं. "आर्ट अपार्ट " या त्यांच्या संस्थेतर्फे मुलांसाठी अनेक परस्परसंवादी (interactive) पुस्तकांची आणि कार्ड्सची निर्मिती त्यांनी केली आहे. सध्या मुलांसाठी काही मल्टिमिडीया फिल्म्स करण्याचा आनंद ते घेत आहेत.

चित्रं आणि शब्द यांच्या माध्यमातून मुलांच्या कल्पनाशक्तीला खाद्य देणारं , वेगळा – ‘ आउट ऑफ द बॉक्स ‘ – विचार करायला लावणारं चित्र – पुस्तक . या पुस्तकामधून मुलांना रंजक पद्धतीने वेगवेगळे आकार , रंग यांची ओळख होईल . त्यांना चित्रवाचनाचीही गोडी लागेल . चित्रांमुळे मुलांची दृश्यभाषा , तर मजकुरामुळे त्यांची विचारदृष्टी विकसित व्हायला मदत होईल . मुलांसोबत मोठ्यांनीही वाचावीत , पाहावीत आणि यातल्या चित्रगोष्टींचा आनंद घ्यावा !


60.00 Add to cart

वेगळा रस्ता

राजू देशपांडे यांचा रोहन प्रकाशनशी चित्रकार म्हणून गेल्या अनेक वर्षांचा स्नेह आहे. मुखप्रुष्ठ व पुस्तकांसाठी चित्रे काढणे या व्यतिरिक्त स्वतंत्रपणे चित्रनिर्मिती ते करत असतात. ही चित्रनिर्मिती करताना अनेक वेगवेगळ्या माध्यमांचा प्रायोगिक पद्धतींनी वापर करायला त्यांना आवडतं. "आर्ट अपार्ट " या त्यांच्या संस्थेतर्फे मुलांसाठी अनेक परस्परसंवादी (interactive) पुस्तकांची आणि कार्ड्सची निर्मिती त्यांनी केली आहे. सध्या मुलांसाठी काही मल्टिमिडीया फिल्म्स करण्याचा आनंद ते घेत आहेत.

चित्रं आणि शब्द यांच्या माध्यमातून मुलांच्या कल्पनाशक्तीला खाद्य देणारं , वेगळा – ‘ आउट ऑफ द बॉक्स ‘ – विचार करायला लावणारं चित्र – पुस्तक . या पुस्तकामधून मुलांना रंजक पद्धतीने वेगवेगळे आकार , रंग यांची ओळख होईल . त्यांना चित्रवाचनाचीही गोडी लागेल . चित्रांमुळे मुलांची दृश्यभाषा , तर मजकुरामुळे त्यांची विचारदृष्टी विकसित व्हायला मदत होईल . मुलांसोबत मोठ्यांनीही वाचावीत , पाहावीत आणि यातल्या चित्रगोष्टींचा आनंद घ्यावा !


60.00 Read more

सभेत कसे बोलावे


एक झुंझार पत्रकार, संपादक, सिद्धहस्त लेखक फर्डे वक्ते म्हणून माधव गडकरी यांना अवघा महाराष्ट्र ओळखतो. त्यांचा जन्म २५ सप्टेंबर १९२८ रोजी मुंबईत झाला. राम नारायण रुईया महाविद्यालयातून मराठी विषय घेऊन त्यांनी बी.ए. (ऑनर्स) केलं. शिक्षण पूर्ण केल्यावर, 1953 साली त्यांच्या संपादकत्वाखाली 'निर्धार' हे साप्ताहिक सुरू झालं. त्यानंतर त्यांनी दिल्लीतल्या आकाशवाणीच्या मुख्यालयात संदर्भ व संशोधन अधिकारी म्हणून कामही पाहिलं. १९६२च्या सुरुवातीस 'टाइम्स ऑफ इंडिया' समूहाने मराठी वृत्तपत्र काढण्याचं ठरवलं, तेव्हा गडकरी यांची निवड मुख्य उपसंपादक म्हणून करण्यात आली. तिकडे पाच वर्षं काम केल्यावर 'दैनिक गोमंतक'चे संपादक झाले. २ एप्रिल १९८४ रोजी माधव गडकरी 'लोकसत्ता'चे संपादक म्हणून रुजू झाले आणि २४ सप्टेंबर १९९२ पर्यंत, म्हणजे सुमारे साडेआठ वर्षं ते संपादकपदी होते. या कारकीर्दीने त्यांच्या पत्रकारितेतील कार्यावर कळस चढवला. त्यांनी महाराष्ट्र तसेच विविध देशांतील भ्रमंतीवर विपुल लेखन केलं असून चरित्रलेखनही केलं आहे. याशिवाय त्यांच्या लेखांचे-अग्रलेखांचे खंडही प्रकाशित झाले आहेत.

महाराष्ट्राच्या काना-कोपर्‍यात श्री. माधव गडकरी यांची भाषणे गाजत आहेत. शिक्षण-संस्था, खासगी-संस्था, राजकीय संघटना आणि इतर संघटनांकडून माधव गडकरी यांना भाषणासाठी सतत बोलावण्यात येते. वयाच्या २१ व्या वर्षापासून श्री. गडकरी हे भाषण करीत आले आहेत. त्यामुळे भाषण-शास्त्राचा त्यांचा दीर्घानुभव आहे. या दीर्घानुभवाच्या साहाय्याने ‘सभेत कसे बोलावे?’
हे पुस्तक सर्वांना उपयोगी पडेल असे म्हटल्यास वावगे होणार नाही. विविध प्रसंगी कसे बोलावे हे अनेक नामवंतांची भाषणे या पुस्तकात देऊन त्यांनी पटविले आहे. भाषण करताना येणार्‍या अडचणी, त्यातील दोष यांचे त्यांनी उत्तम तऱ्हेने विवेचन केलेले आहे. थोडक्यात म्हणजे शाळा-कॉलेजमधील विद्यार्थ्यांना, त्याचप्रमाणे वेगवेगळया वर्तुळात कार्य करणार्‍या व्यक्तींना व सभेत समाजसेवकांना समयोचित कसे बोलावे हे श्री. माधव गडकरी यांनी आपल्या प्रतिभाशाली लेखणीतून या पुस्तकात सांगितले आहे. त्यादृष्टीने हे पुस्तक भाषणे करणार्‍यांना, ठरविणाऱ्यांना व करू इच्छिणाऱ्यांना मार्गदर्शक ठरेल याची खात्री वाटते.


100.00 Add to cart