अमर चित्र कथा

डॉ. ए. पी. जे. अब्दुल कलाम है एक वैज्ञानिक, लेखक, कवी, शिक्षक, दूरदर्शी आणि भारताचे ११ वे राष्ट्रपती होते आणि त्याहीपेक्षा खूप काही होते. अलीकडील काळातील सर्वात प्रिय आणि प्रशंसनीय पुरुषांपैकी एक असलेले डॉ. कलाम हे दयाळू आणि सौम्य माणूस होते. ज्यांचा भारताच्या लोकांवर विशेषत: तरूणांच्या सामर्थ्यावर दृढ विश्वास होता. एक असा माणूस होता जो अकल्पनीय उंबीवर पोहोचला परंतु त्यांचे पाय हे नेहमी जमिनीवरच होते. ज्या माणसाने ज्याला स्पर्श केला त्या प्रत्येक गोष्टीत स्वतःची उत्कृष्टता आणि आणि नम्रता आणली. त्यानेच आपल्याला समर्पण आणि परिश्रम करण्याच्या शक्तीचे दर्शन दिले त्याने आपल्याला स्वप्नांची शक्ती दाखवून दिली. ते म्हणयचे, “स्वप्ने ती नाहीत जी आपण झोपेमध्ये पाहतो. स्वप्ने म्हणजे ती जी आपल्याला झोपू देत नाहीत.’ त्यांची जीवनकहाणी याचीच साक्ष देते.

अमर चित्र कथा

एक नामांकित राष्ट्रीय विमान सेवा, जगप्रसिद्ध वैज्ञानिक आणि वैद्यकीय संस्था, चहापासून ते ट्रक आणि सौंदर्यप्रसाधनांपासून ते सामान्य मीठापर्यंतच्या देशाच्या गरजा भागविणारे औद्योगिक साम्राज्य त्याने इतके कसे साध्य केले असेल ? फक्त आणि फक्त कठोर परिश्रम, नम्रता आणि परंपरेचे मूल्य, त्याचबरोबर होती प्रगतीची दुर्दम्य इच्छाशक्ती… शिवाय, त्याच्या या साहसाच्या स्वभावाची उंची कुशलतेने चालविलेल्या विमानांपेक्षा सुद्धा अधिक होती.

प्राण्यांना बोलता येत नसलं तरी त्यांच्या आचरणातून बरंच काही शिकण्यासारखं असतं. हत्तीच्या या गोष्टी प्राणीविश्वाची सफर घडवून आणतात आणि काही बोधही देतात. क्षुल्लक लोभाच्या मोहाला बळी पडणाऱ्या माणसांना लाजवणारी हत्तींची दयाळू वृत्ती या पुस्तकातील काही कथांमधून दिसते. पण हाच हत्ती जेव्हा लहान प्राण्यांना त्रास देतो तेव्हा हत्तीच्या शक्तीपुढे न झुकता चिमुकल्या मुंग्याही युक्तीने त्याला धडा शिकवतात. या जातक कथा बाचून हत्तींच्या विश्वात रममाण व्हा, पण योग्य बोध घ्यायला विसरू नका.

मुघल राजा अकबराच्या दरबारी असणाऱ्या नवरत्नांपैकी एक म्हणजे बिरबल, बिरबल अतिशय चतुर आणि मुत्सद्दी होता. अकबर अनेक अवघड प्रश्न विचारून बिरबलाच्या चातुर्याची आणि हुशारीची परीक्षा घ्यायचा आणि बिरबल अचूक उत्तर देऊन अकबराला निरुत्तर करायचा. बिरबलाने अनेक लष्करी मोहिमांचे नेतृत्व केले, तसेच राज्यकर्त्यांशी मुत्सद्दीपणे व्यवहारही केला. तो योग्य न्यायनिवाडा करत असे. हुशार बिरबलाच्या या कथा फक्त मनोरंजन करत नाहीत, तर मनात आदर्श मूल्यांची पेरणीही करतात. त्याच या अकबर-बिरबलाच्या कथा !