पिंकू आणि चिंकी + २ कथा

शाळेतली भुताटकी आणि इतर कथा

राजीव तांबे

राजीव तांबे हे अनेक वर्षं सातत्याने केवळ मुलांमध्ये व मुलांसाठी काम करणारे सर्जनशील बालसाहित्यकार आहेत. 'बाल साहित्यातील विशेष योगदानाबद्दल' त्यांना 'साहित्य अकादमी पुरस्कार' 2016मध्ये मिळाला. देश आणि विदेशातील 23 भाषांतून 109 पुस्तके प्रकाशित. विद्यार्थी, शिक्षक आणि पालकांसाठी देश-विदेशात त्यांनी अनेक कार्यशाळा घेतलेल्या असून अभिनव शिक्षणपद्धतींवर त्यांचा विशेष भर असतो. त्यांनी 'युनिसेफ'साठी शिक्षण सल्लागार म्हणूनही काम केलं असून आजवर त्यांना अनेक मानसन्मान देऊन गौरवण्यात आलं आहे. मुलांशी बोलणं, त्यांना कथा-गोष्टी-गाणी म्हणून दाखवणं, संवाद साधणं या गोष्टी त्यांना विशेष प्रिय आहेत.

जगात भुतं नसतात…
असतात फक्त भुतांच्या गोष्टी!

मुलांनो,
तुम्हाला भेटायला
खास कोण येतय माहितेय?
प्रेऽऽऽमळ भूऽऽत…
हे असं तसं भूत नाहीये बरं का…
हे आहे एज्युकेटेड भूत!
बोला, आहे का काही तुमची इच्छा?
मग नुसतं म्हणा…
ओके…बोके…पक्के…काम शंभर टक्के!

कथा
O भुताशी मैत्री
O शाळेतली भुताटकी
O सर्कशीत भुताटकी
O घरातली भुताटकी

पुरषोत्तम धाक्रस

या आहेत लहान मुलांना ‘पुरून उरणाऱ्या’ ताज्या गोष्टी. हातात पडल्या तर मोठी माणसं सुद्धा वाचल्या शिवाय सोडणार नाहीत अशा! यातली कुठलीही गोष्ट तोंडाचा चंबू करून वाचायची गरज नाही. प्रत्येक गोष्टीच्या वाटेत थट्टा विनोद, गमती-जमती यांची कारंजी आहेत. शिवाय मोजक्या जागी सुप्रसिद्ध चित्रकार पुंडलिक वझे यांनी काढून दिलेली खुमासदार प्रसंग चित्र ही आहेत. त्यामुळे प्रत्येक गोष्टीची रंगत वाढली आहे.
अशा या गोष्टी वाचून झाल्या तरी मनातून जात नाहीत, मनात दडून राहतात-आणि वाटेल तेव्हा पुन्हा बाहेर येतात पुन्हा वाचून पहाव्यात वाटतात. म्हणून तर त्या पुरून उरणार या गोष्टी, नाही का?