विविध क्षेत्रांतील पु.ल.देशपांडे, नाना पाटेकर, अशोक सराफ, अमोल पालेकर, सुधीर तळवलकर अशा नामवंतांनी सांगितलेले किंवा ते आपल्या कार्यात व्यस्त असताना घडलेले उत्स्फूर्त असे अनेक दुर्मिळ विनोद आनंद घोरपडे यांनी या पुस्तकात टिपले आहेत. हे किस्से आपल्याला आनंद तर देतीलच; पण आपल्या अनौपचारिक बैठकीतही रंगत आणतील.
सर्वच दृष्टीने धकाधकी, दगदग असलेल्या आजच्या जीवनात एखादा विनोद चांगलीच करमणूक करून जातो तसेच काल्पनिक विनोद तात्पुरता आनंद निश्चितच देऊन जातात, परंतु आचार्य अत्रे, राम गणेश गडकरी, पु.ल. देशपांडे, ना.सी. फडके, मामा वरेरकर, ग.दि. माडगूळकर, चि.वि. जोशी, पंडित नेहरू, रवींद्रनाथ टागोर, मार्क ट्वेन, बर्नाड शॉ, चर्चिल, क्रुश्चेव अशा महान प्रतिभावंतांनी प्रत्यक्ष लिखाणातून, भाषणातून, संभाषणातून, वादविवादातून निर्माण केलेले उत्स्फूर्त, समयसूचक, हजरजबाबी व मार्मिक असे हे विनोद करमणूक तर करतीलच, परंतु उच्च कोटीच्या आनंदाची प्रचिती देतील.
