डॉ. सुभाष आर्य

सुभाष आर्य हे देशातील एक नामांकित बालरोगतज्ज्ञ आहेत. मुलांच्या आरोग्याच्या संदर्भात त्यांना ३५ वर्षांचा दीर्घ अनुभव असून या क्षेत्रात त्यांनी विविध प्रकारे योगदान दिलं आहे. त्यांच्या कार्यकर्तृत्वामुळे 'इंडियन अॅकॅडमी ऑफ पेडिअॅट्रिक्स' या संस्थेच्या अध्यक्षपदीही त्यांची नियुक्ती (१९९०) झाली. त्यांनी आजपर्यंत वैद्यकीय क्षेत्रातील नियतकालिकं, मासिकं तसंच वर्तमानपत्रांतून सातत्याने लिखाण केलं आहे. तसेच पालकांना मुलांच्या आरोग्याच्या व विकासाच्या दृष्टीने सर्व माहिती एकत्रितरीत्या मिळावी यासाठी त्यांनी 'INFANT AND CHILD CARE' हे पुस्तक लिहिलं. त्याला मोठा प्रतिसाद मिळून अल्पावधीत या पुस्तकाच्या १२ पेक्षा जास्त आवृत्त्या निघाल्या. याच पुस्तकाची मराठी आवृत्ती म्हणजे 'संगोपन : बाळ-गोपाळांचे' हे पुस्तक होय.