बिनायक बंदोपाध्याय

बिनायक बंद्योपाध्याय यांचा जन्म कोलकात्याचा. त्यांचे वडील कै. परेशनाथ हे कोलकात्यामधील सुप्रसिद्ध संस्कृत पंडित. बिनायक यांना कवितांची आवड. बंगाली भाषिक तरुणांमध्ये आश्वासक कवी असा त्यांचा नावलौकिक. त्यांची पहिली कथा 'उनिश-कुडी' मासिकात प्रकाशित झाली. पहिली कादंबरी २००७ साली 'शारदीय देश' या अंकात प्रकाशित झाली. कविता, कथा, कादंबऱ्या आणि प्रबंध अशा सगळ्या प्रकारचं लेखन ते करतात. कवी आणि कादंबरीकार या नात्याने त्यांना अनेक पुरस्कार मिळाले आहेत. 'कृत्तिवास पुरस्कार', पश्चिम बंगाल अकादमीचा 'शक्ती चट्टोपाध्याय पुरस्कार', 'शर्मिला घोष साहित्यिक पुरस्कार', 'भाषानगर पुरस्कार', यासारख्या अनेक पुरस्कारांनी ते सन्मानित झाले आहेत. २०१४ साली आयोवा, यु.एस.ए. येथे झालेल्या इंटरनॅशनल राईटर्स प्रोग्रॅममध्ये त्यांनी भारताचं आणि बंगाली भाषेचं प्रतिनिधित्व केलं होतं. त्यांनी आजपर्यंत पंचविसहून अधिक कादंबऱ्या लिहिल्या आहेत आणि त्यांचे सोळा कविता संग्रह प्रकाशित झाले आहेत.

लेखकाची पुस्तकं

मंत्र

बिनायक बंदोपाध्याय
अनुवाद : सुमती जोशी


… पितृछत्र हरपलेल्या कोवळ्या वयातल्या उत्तरणला त्याची आई संन्यासी ब्रह्मचारी ठाकूर यांच्या पायाशी समर्पित करते. परंतु कठोर वास्तवाच्या आघातामुळे एके दिवशी उत्तरणला आश्रम सोडून निघून जावं लागतं. आश्रम सोडल्यानंतर जिच्या घरी त्याला आसरा मिळतो, त्या अनसूयेला उत्तरणच्या सेवेत स्वतःला वाहून घ्यायचंय. संसार करावा की व्रतस्थ आयुष्य जगावं अशा संभ्रमावस्थेत असतानाच उत्तरण विचारांच्या एका वळणावर अनुसूयेसोबत विवाह करण्याचा निर्णय घेतो.

हे नातं पुढील आयुष्यात कोणतं वळण घेतं? उत्तरणपुढे कोणते पेच निर्माण होतात? या व इतर पेच प्रसंगांची उकल कशी होत जाते? लेखक बिनायक बंद्योपाध्याय त्यांच्या संवादी शैलीत ही कथा या कादंबरीत समर्थपणे रंगवत जातात.

ईश्वरासोबत एकरूप होत आयुष्यातील विविध प्रश्नांची उत्तरं शोधू पाहणाऱ्या एका ‘संसारी संन्याशाची’ अध्यात्मिक धाटणीची कादंबरी… मंत्र !

240.00 Add to cart