प्रदीप कुलकर्णी यांनी वरंगळ येथील रिजनल इंजिनिअरिंग कॉलेजातून १९७४ साली धातुशास्त्रात इंजिनिअरिंगची पदवीमध्ये विशेष प्रावीण्यासह मिळवल्यानंतर, पुढची दहा वर्षं ‘मुकंद स्टील' या कंपनीत काम केले आहे. त्यानंतर १९८४ साली त्यांनी सॉफ्टवेअरच्या क्षेत्रात प्रवेश केला आणि पुढील २४ वर्षं या क्षेत्रातील विविध नामवंत कंपन्यांमध्ये वरिष्ठ पदांवर काम केलं आहे. कामाच्या निमित्ताने त्यांना जगभर प्रवास करण्याची, तसेच अनेक देशांत काम करण्याची संधी मिळाली आहे. साहित्य, संगीत, विनोद आणि विज्ञान यांची त्यांना लहानपणापासून आवड असून त्यांची अनेक पुस्तकं प्रकाशित आहेत.